الاسم: محمد المناعي
البلد: البرازيل
التصنيفات : خاصة,سياسة وأخبار,ثقافة وفن,أدب وكتب,تسلية وأفلام وتلفزيون,ديانات,الأسرة والأصدقاء,مال وأعمال,انترنت وبرمجيات,الموضة والحياة,ألحان وأنغام,تصاميم,تكنولوجيا,رياضة,سفر وتجوال,عام
أظهر كافة المعلومات
حلا الترك
.
.
.
قلبي تولع في حلاوة حلا الترك
وفي لعبها في ضحكها في غناها
.
ما به مثلها فالعرب والا فالترك
ما به حلا ايعادل حلاها سواها
.
لو شافها كافر .. تعوذ من الشرك
وقال الله اللي بس يخلق حلاها
كيبوردية تعبّر عن نفسها ..
.
.
.
(( متضايق ))
.
.
متضايق و ما أعرف شالأسباب
بس المهم ان آنا متضايق
.
لا هو سبب شوق و فراق أحباب
اتخلي الناعس غصب فايق
.
والا السبب طعنة أعز أصحاب
فالظهر خلت ظهري ما طايق
.
آحس كل من حولي ناس أغراب
وفالدرب قدامي مئة عايق
.
وين ألتفت ما ألقى سوى طلاب
ما همّهم لو صرت انا بايق
.
وآحس فالخافق مئة نشاب
ولي حد نشد حالي أرد : رايق !!
.
متضايق و أدري هناك أسباب
بسْ ما تهم دام آنا متضايق
دامك تحب إيران !
.
.
.
وشفيك متحسّر وليش انت زعلان ؟؟
خبّرني شاللـ امضايقك قول لا اتهون
.
دامك تحب إيران روّح لإيران !
وما دامها اتحبّك عساكم تهنّون !!
.
جواز و إيقامة بعاصِمْة (طهران)
وش أحسن امن العرض هذا يا مفتون !؟
.
لكن بتدرك شاسع الفرق يا فلان
وتهرب سباحه لي غشى الليل بسكون
.
وتشوف شي ما شيف في كل الأزمان
العنصريه كل شكلٍ وكل لون
.
ظلم و مذله ، كره ، زورٍ وبهتان
حقد.. انحطاط .. افكل لركون مركون
.
وفالمشرق الإيراني فبلوشٍ استان
الظلم شافه حتى معمي العيون !
.
وتابع هل الأحواز من آن لي آن
لي طالبوا بحقوق جازوهم اسجون
.
ممنوع يتسمون في إسم (عثمان)
إلا بكل إسم العرب به يِسمّون !
من أرشيفي الغزلي أقدم لكم :
.
.
.
.
(( ر و ضــه ))
.
.
.
من قد شعري يا كبرها حظوظه
في وصف ( روضه ) فز شعري تباها
.
خبروا جموح الشعر أنا جيت أروضه
وأكتب قصيده توصل أبعد مداها
.
( روضه ) ومنهو شافها قال : روضه
لو ما عرفها ؟؟ .. قال اسمها وراها !!
.
ماهي بصدفه أو خيارات فوضه !؟
لأن اسمها منطبق مع حلاها
.
الخد جوري والثغر ناض نوضه
لي تبسم الدنيا اتّبسّم معاها
.
والشعر جوكليت باقي الجسم بوضه
فانيلا جوكليت بس محدٍ كلاها !!
.
لي تلبس اهدوم اتحوّل لموضه
اتحاول العالم تصل مستواها
حملة نصرة تعدد الزوجات
.
.
.
.
بدأت بقصيدة نصح لتعدد الزوجات ، وقلت :
.
.
يا زينه الرجال لينه تزوّج
ويصير أزين لين كثّر زواجات
.
وحده وما تكفي لهمّه تفرّج
ما تنفرج إلا بأربعْةِ زيجات
.
وانا نصيح وللتعدد مروّج
بالكثره اقضي كثرة الاحتياجات
.
غيّر وتنجح كان تبغي اتّخرّج
بدّل شموعك في جديد السراجات
.
حلّق بأفكارك وارقى وعرّج
بالفكر تسبق علم سِيد الخواجات
.
لا ينفع المكياج وكثر التبرّج
اشتر جديد و لا تروح الكراجات
.
الدرب ماهو عسر لو هو مدرّج
جرّب ونوّع خلّ عنك المناجات
.
تبغي تروض خيول ؟ إلجم وسرّج
بالجمع لا بالفرد يعطوك تاجات
.
هذا اختصار الهرج
ياللي تقول انروح دار العجايز
أنا وخلي ما به أي شي نِعْجِزِه !
ر ذ ر ا ذ !
.
يا من يرذرذ فالمحبّه برذراذ
……………………….. يا زين جوّك دامه الحب توّه
.
عابر سبيل وفي محبّتك ألتاذ
……………………….. واترد جيش العذل في كل قوه
.
لي من حكوا بعض البشر زينه أخّاذ
……………………….. إفرش لهم زينك وعوِّد وطوَّه
.
احتلـّني باسْلِحْةِ نارٍ و فولاذ
……………………….. ولـّعني وابفولاذ حبنا تفوّه
.
يا واحدٍ فعيوني اتساوي أفذاذ
……………………….. حسن الحسن في قربك ايبين سوّه
.
صوتك .. يحسّس مسمعي بالتلذّاذ
……………………….. وشوفك .. يطيّر قلبي لاقصى علوّه
.
يا من تتلمذني وبتقول لي استاذ
………………………..
